Тываларның шээр мал дөгергенде эът бышкалакта кылып чиир ынак чеми — согажа. Ону кылырда баштай борбак баарны арбын көс кырынгв каап, ишти кызыл ханныг артар кылдыр үр эвес шондура быжырыптар. Оон демги баарны соотпайн, шалыпкын, кылыны 1 сантиметр хире калбартыр кескилээш, дилиндек бүрүзүн эдирге орааш, шишке дискеш, көс кырынга тудуптарга, дамдылаан үстен чалбыышталыр. Орта кезек када шишти аңдара-дүңдере тудуптарга — магадап ханмас амданныг согажа белен.
Амгы үеде хоорайга хой дөгергенде согажаны мынчаар кылып турар: чалгыякка (сковородкага) чагны сыскырыпкаш, орта чуга баарны бичии хаарыптар. Ишти саптыг турда, демги баарларны эдир-биле ораагаш, катап биеэ-ле пажынга чидиг от кырынга хаарыптар. Мынчаар шевергин, эки кылган согажа амдан талазы-биле база-ла чаагай болур.
#культура_тувы #тыва #тыва_төп #Центр_тувинской_культуры #Обычаи_традиции #Согажа
Источник фото: Тувинские блюда. Образовательная социальная сеть.
