Шаандан тура тыва кижи хем, суглар кежерде чалбарыглар кылыр турган. Аъттыг кижи болза аъдындан дүжүп, бөргүн уштуп, хемге холун суп, арын-бажын суг-биле шаптап, бажының тейин өттүрер база сугну үш катап пактап, чалбарган соонда сугже кирер.

Дыка сыык дээш,
Таварбадым.
Дажыг дээш,
Дадагалзавадым.
Ада-өгбем изеп каан
Авыралдыг кежиим-дир сен.
Тереңиң сыыгадып,
Шапкының оожургадып,
Көвүрүүңге хөгледип,
Чалгыың-биле чайгап
Кежир, хайыракан!

Ойт, Хемчиим, Хемчиим!
Кежир, оран-таңдым!
Ажы-төлүм-биле,
Алган кадайым-биле
Далайны кежип чыдыр мен, өршээ!

Чуруктуң алган дөзү: Википедия

#Тыва #бойдус #экология #Енисей #Улуг_Хем